నష్టాల ఊబిలో మత్స్యకారులు ఆరేళ్లుగా ఇదే సమస్య..

  ప్రభుత్వం ఆదుకోవాలంటున్న మత్స్యకారులు
కూసుమంచి, నమస్తేతెలంగాణ : రాష్ట్రంలోనే అతిపెద్ద జలాశయంలో ఒక్కటి పాలేరు జలాశయం. కాకతీయ రాజులు నిర్మించిన ఈ జలాశయాన్ని నాటి సీఎం జలగం వెంగళరావు రిజర్యాయర్‌గా మార్చి జిల్లాకే తలమానికంగా చేశారు. 4 వేలకుపైగా విస్తీర్ణం, 2.50 లక్షల ఎకరాల ఆయకట్టు. రాష్ట్రంలోనే అతిపెద్ద మత్స్యశాఖ సొసైటీలో ఒక్కటి పాలేరు మత్స్యశాఖ సొసైటీ. మూడు జిల్లాలు, 18 గ్రామాలు, వేయ్యి కుటుంబాలు, 2వేల మంది మత్స్యకారులు జీవనం సాగించే ఏకైక మత్స్యశాఖ సొసైటీ ఇది. సుమారు 7 దేశాలకు ఇక్కడి రొయ్యలు ఎగుమతి అవుతుంటాయి. ఇంత చరిత్ర గల పాలేరు మత్స్యకారులు అభివృద్ధికి అమడదూరంలో ఉన్నారు. 60ఏళ్ల సీమాంధ్రపాలనలో పాలేరు మత్స్యకారుల సంక్షేమాభివృద్ధి గురించి పట్టించుకునే పరిస్థితి లేకుండాపోయింది. నాటి నుంచి నేటి వరకు గుత్తేదారుల చేతిలోనే ఉండిపోయింది.